أسئلة واجوبة

ما هو قانونى؟

قانونى منصة رقمية قانونية بتربط المستفيد بمحامين متخصصين في مصر. تقدر تطلب استشارة، تحدد زيارة لمحامي، وتتابع خدماتك من الموقع أو التطبيق بسهولة وسرية.

قانونى موقع ولا تطبيق؟

الاتنين. تقدر تستخدم الموقع من المتصفح، وكمان في تطبيق للمستفيد وتطبيق منفصل للمحامي تقدر تحملهم من متاجر التطبيقات أو من صفحة قانونى.

إيه الفرق بين تطبيق المستخدم وتطبيق المحامي؟

تطبيق المستخدم للمستفيد اللي طالب خدمة قانونية: استشارة، زيارة، محفظة، وإشعارات. تطبيق المحامي للمحامي عشان يستقبل الاستشارات والزيارات وطلبات الإنابة ويدير أتعابه وملفه المهني.

هل بياناتي واستشارتي سرية؟

أيوه. تفاصيل استشارتك وبياناتك محمية، ومش بيتم الإفصاح عنها لأي طرف تاني. المنصة وسيط إلكتروني بينك وبين المحامي فقط.

إزاي أسجل في قانونى كمستفيد؟

اختار تسجيل حساب جديد، املأ البيانات المطلوبة، ثم أكّد رقم الموبايل بكود التحقق. بعد استكمال الملف الشخصي تقدر تطلب استشارة أو زيارة وتستخدم المحفظة.

إزاي أسجل كمحامي؟

التسجيل كمحامي من صفحة تسجيل المحامي، مع استكمال البيانات المهنية والتخصصات وتكلفة الاستشارة لمدة 15 دقيقة. بعد المراجعة تقدر تستقبل الطلبات من المستفيدين.

ليه لازم أكمل الملف الشخصي؟

الملف الشخصي بيظهر اسمك وصورتك في الحساب، وبيساعد في التواصل والإشعارات. للمحامي، الملف بيعرض تخصصه وأتعابه للمستفيدين قبل طلب الاستشارة.

إزاي أتابع إشعارات الحساب؟

من صفحة الإشعارات تقدر تتابع حالة الاستشارات والزيارات وطلبات الإنابة وعمليات المحفظة. وصلتلك إشعار جديد هتلاقيه كمان من أيقونة الجرس في أعلى الصفحة.

إزاي أطلب استشارة قانونية؟

من الصفحة الرئيسية أو صفحة إضافة استشارة: اختار نوع الاستشارة والتخصص الفرعي، حدد المرسل إليه (محامي محدد أو كل المحامين)، اكتب رسالتك، وقدر تضيف تسجيل صوتي أو مرفقات، بعدين ادفع الأتعاب وأرسل الطلب.

إيه الفرق بين محامي محدد وكل المحامين؟

محامي محدد يعني الاستشارة بتتوجه لمحامي تختاره بنفسك (استشارة موجهة). كل المحامين يعني الطلب يظهر للمحامين المتاحين في نفس التخصص، وأول محامي يقبل بيبدأ معاك المحادثة.

قد إيه مدة الاستشارة؟

مدة الاستشارة 15 دقيقة من بداية المحادثة مع المحامي. تقدر تمدد الوقت بعد انتهائه لو محتاج تكمل، والأتعاب بتتحسب مقابل مدة الاستشارة.

أقدر أضيف تسجيل صوتي أو مرفقات؟

أيوه. وأنت بتعمل الاستشارة تقدر تسجّل رسالة صوتية وترفق ملفات توضيحية للقضية، عشان المحامي يفهم التفاصيل أسرع قبل أو أثناء المحادثة.

إيه فايدة حفظ الاستشارة كأرشيف؟

حفظ كأرشيف بيخزن نص الاستشارة والتخصص والمرفقات من غير ما تبعتها حالاً. تقدر ترجع لها بعدين وتبعتها لمحامي لما تكون جاهز.

لو الاستشارة مش عجبتني أعمل إيه؟

تقدر تقيّم الاستشارة في نهاية الجلسة. ولو الخدمة ما تحققَتش، تقدر تتقدم ببلاغ من داخل الاستشارة، والمنصة بتراجع الحالة وقد تضمن استرداد المستحقات أو مساعدتك مع محامي آخر.

أقدر أقيّم المحامي بعد الاستشارة؟

أيوه. بعد انتهاء الاستشارة بيظهر تقييم بالنجوم مع أسباب التقييم وتعليق اختياري. التقييم بيساعد باقي المستفيدين ويحسّن جودة الخدمة.

إزاي أطلب زيارة محامي؟

من صفحة الزيارات اختار إضافة زيارة، حدد التخصص والمحامي إن حبيت، اكتب تفاصيل الزيارة، واختَر المعاد والوقت المناسب. بعد التأكيد تتابع حالة الزيارة من نفس الصفحة.

الزيارة بتتم فين؟

الزيارة مقابلة مباشرة مع المحامي حسب النطاق المكاني والمعاد المتفق عليه. الفكرة إنك توصل لمحامي مناسب من غير عناء السفر الطويل، وتحدد المكان والوقت قبل التأكيد.

أقدر أتابع أو أنهي الزيارة؟

أيوه. من تفاصيل الزيارة تتابع حالتها، ولو خلصت أو ما تمتش تقدر تنهيها وتحدد السبب. هتوصلك إشعارات بأي تحديث على الطلب.

إيه هي طلبات الإنابة؟

طلبات الإنابة خدمة بين المحامين: محامي يطلب من محامي آخر تأدية إجراء أو خدمة قانونية نيابة عنه، مع الاتفاق على التفاصيل والأتعاب داخل المنصة.

مين يقدر يستخدم طلبات الإنابة؟

الخدمة متاحة لحسابات المحامين. المستفيد العادي بيستخدم الاستشارات والزيارات، أما المحامي يقدر يضيف طلب إنابة أو يتابع الطلبات الواردة من محامين تانيين.

إزاي أتابع طلباتي كمحامي؟

من قائمة طلباتي تتابع الطلبات اللي أنت أنشأتها، ومن طلبات الإنابة تتابع الطلبات الجديدة المتاحة لقبولها أو متابعتها حسب حالتها.

إزاي أشحن محفظتي؟

من صفحة المحفظة اختار شحن رصيدى، حدد المبلغ أو استخدم القيم الجاهزة، وبعدين اختار طريقة الدفع وأكمل العملية في صفحة الدفع الآمنة.

إيه طرق الدفع المتاحة؟

تقدر تدفع من رصيد محفظتك في قانونى، أو تشحن ببطاقة فيزا / ماستركارد، أو من محفظة إلكترونية زي فودافون كاش وأورانج واتصالات. العملية بتتحوّل لصفحة دفع آمنة.

الأتعاب بتتحسب إزاي؟

أتعاب الاستشارة بيحددها المحامي مقابل 15 دقيقة. لما تبعت الطلب، المبلغ بيتخصم حسب طريقة الدفع اللي اخترتها، وبيظهر في سجل عمليات المحفظة مع رقم العملية ونوع الخدمة.

أقدر أسترد فلوسي؟

لو ما حصلتّش على الاستشارة المرجوة، المنصة تقدر تراجع الحالة وترجع المستحقات لمحفظتك أو تساعدك تستخدمها مع محامي آخر. حركة الاسترداد بتظهر في سجل العمليات.